郊野公園狗權益

某日，仔仔同豬豬行去黃石碼頭散步。

豬豬擰下擰個頭，見到一個近期好熟O既告示牌
『依個係近期新加的牌，叫我地唔好餵牛。不過，其實牛牛都係食草為主，間中食下垃圾咁，見人都會走，係唔會餵的。』仔仔話。

『但係，哥哥，下面多個牌，有人有狗，可能同我地有關。』

『係播，乜野係郊野人狗樂融融？唔通漁護處派人同我地玩，又或者派野食？』

仔仔睇真D，原來好多文字，有一大段寫明話給狗主的話。
『妹妹，在郊野公園我地唔使上繩我地一向都知仲享受緊，但係依度話如果我地唔乖，Daddy同媽咪會犯法，仲話你唔可以隨便游水，會觸犯水務條例呀。』

『哥哥，好在都有一躬水比其他人的，講明為我地幸福著想，所以郊野公園比我地放繩。』

『我都同意佢地的結論，不過，我有D擔心這是否意味不久將來我地的快樂天地要完結呢？我以為郊野公園唔使上繩是以前港督都會帶狗行山，所以繼承英國人傳統，依家佢地注意到這點，恐怕不久將來就會取消了，因為特首都唔帶狗行山的。』仔仔憂心的說。