偷望狗狗急救箱

仔仔：豬妹，花園外面好似有個袋，好似係我地在加拿大時日日都見到的那個，好唔好去睇下呀？
豬豬：當然好，個袋好似好神袐，在加拿大時日日跟住我地去玩

仔仔：個袋好大呀。
豬豬：仲好重添，唔通裡面係Daddy媽咪的重要財物，又要麻煩我地勇敢O既狼狗保衛佢地D財物。

仔仔：不如我幫你睇水，你打開泥睇下有D乜，話唔埋有我地D零食，咁就....
豬豬：好呀。

豬豬：哥哥，搵晒都唔見零食bor，只係有好多葯品
仔仔：我明白，原來依個係我地狗狗的急救箱，好彩我地命大，未需要動用過，不如等我同你講下裡面有D乜。

『左面張紙寫左我地兩個D資料，包括我地平日的體溫體重同脈搏，當然亦有Daddy媽咪的聯絡方法，包括香港同加拿大，不過我地去過露營，好似寫漏左營地的編號。最前面是葯棉，我平用洗耳仔都要用，而用菲林樽裝住的是如果我地食錯野要我地嘔時用的crystal，後面四樣由左至右是止痕paste，潤滑葯，消毒外用葯水同救命糖漿。』

『接著仲有好多用品，後面左起是各式砂墊，紅繩是做臨時口罩用的，之後是生理salt water，洗傷口用，最右是彈性wrap，包傷口好好用。中間911果枝是回魂葯，休克前食可以拖長條命，最前一行左面是消毒紙巾，大小針筒，可以洗眼或餵葯，小攝子用來取走異物，止血鉗就可以鉗棉花洗耳仔，當然可以止血；體溫計唔使講都知有乜用，藍色小瓶是花是令，潤滑用，量體溫時可以用呀，最右面是醫生膠紙。』

『最後就係各種葯膏同葯水，我唔逐樣講了，包括止痕止血火燒消毒抗生anti fungi洗耳洗眼等。』


豬豬：嘩，咁多野，但係佢地識唔識用呢？
仔仔：我估佢地都係唔識用，所以架車仲長期放左本書，比佢地臨急抱佛腳的，就係中間果本，我在加拿大的PetSmart都見到有得賣呀。