天生購物狂禍延daddy

各位，我係豬豬，以我豬豬咁怕醜的性格，都未試過在daddy的blog同大家見面，不過眼見家中悲劇蔓延，我不得不發表篇網誌，希望悲劇可以結束。

首先，媽咪已經無葯可救，每次我們去接她回家，都大袋細袋，佢唔辛苦我地都辛苦呀，因為車仔細細，一家四口剛剛好，又怎會有空位載她滿載而歸的購物。不過一星期一次，我豬豬都忍下就算，以為daddy會勸媽咪，點知，今日見daddy出街，我地又冇得去，只係等。

等到日落西山，daddy回家了。

滿心期望，以為daddy買架靚車過我地坐，以後唔使逼。

點知，都係名牌，不過就唔係車。

係狗狗玩水救生衣。我地兩個寶貝又唔係唔識游水，真係唔明點解要花D咁O既錢。不過聽daddy同媽咪講電話，話好似要坐獨木舟逃亡，依法例係要有救生衣，所以同我地買定著草用wor。

講開車，都有塊車墊，佢兩個養得我地就米鬼怕我地D毛la，又要養又要怕。

原來媽咪天生購物狂已禍延daddy，未算好嚴重，不過你地睇下：

仲有八件衫，不過好似話唔係比我地兩兄妹用，咁我就唔影佢地比大家評論。

購物都算la，之後仲要我地免費做毛豆：

﹝哥哥扮有型﹞

﹝我好英偉﹞

﹝我地兩兄妹他日落難著草，大家多多包涵﹞

其實，我有時都想依種購物狂可以禍延我地，咁我就可以買好多雞同牛比媽咪做風乾野過我食。