村狗黑熊自白

我就係村中三黑B中地位最高的黑熊，平時好少有機會同大家見面，因為，村狗始終是村狗，有人關心已經萬幸，真不敢想可以做blog的主角。

我的歷史大家或者都知道一二，前面果個就係我biological 媽咪，佢對我地好關心，我地都咁大，佢仲周不時保護我地。樓梯上面果個就係囡囡，佢比我地早來到這條村，以前佢有個同伴叫仔仔，不過，因為受傷死了，之後我媽咪來了這裡，囡囡比佢留低，我媽咪叫做咪咪，生左我地幾個，有D比人收養左，但係我地有三個黑色的留低陪媽咪，除左我黑熊，仲有黑臉同黑妹。

我都唔知我daddy係邊個，不過你睇下我三七面個樣，你話似邊個呢？

最近媽咪經常比我四圍去，仲周不時可以坐在村中的路上。

仲可以出到行巴士的大路，見到路上面的牛牛。

我其實有D驚，我諗媽咪想我接手做村狗的領袖，但係這裡的生活危機四伏，身為領袖要識好多野，我閱歷又唔深，真係唔知是否可以做一個合格的領袖。不過囡囡同咪咪都係女生，加上囡囡年紀都大，一定要有狗接班，我們三兄妹中，黑妹女生又細膽，黑臉就最冇用，唔敢企出泥，我想唔做都唔得。

仲有，大家有冇見到我耳仔的白點，那不是什麼好東西，是我們狗狗的大敵牛蜱，我地連命仔都未必可以顧到，做領袖真係談何易容。都係先學下在地盆巡邏個款先...

~~黑熊上