乘夜前來的雪人及其朋友

自從雪人出來了之後，我家就引來了一大班雪人及其家族，他們不單止有意思留待聖誕來臨，還不斷通知他們在遠方的友好，我們這裡的客房都給他們住滿了，在他們未有動向前，實在招呼不了更多的雪人及他們的朋友，不過，就在我們趕得及跟他們溝通前，他們已通知了另一批朋友漏夜趕來，惟有收留他們並介紹一下他們。

1. 一雙一對雪人伴侶 ─ 他們從不分開，見佢地咁恩愛，昨晚邀請左佢地同我地一齊食晚飯。真係好sweet sweet。

2. 雪帽禮物雪人同佢地靴  ─  人地由北方趕來香港一定帶手信，點知見到佢個袋空空如也，問佢點解，佢話聽講香港是購物天堂，當然來了香港先買，何況依家中國是世界工廠，無謂在北極買件中國製造的禮物又帶返香港，聽落真係好有哲理。

3.  掌上明珠雪人BB1號、2號、3號及4號 ─ 佢地雖然出世無耐，都趕到尾班車來，佢地話北極聖誕冇氣氛，香港始終係東方之珠先配得上佢地掌上明珠，聽到我一頭霧水。

4. 雪人老爺奶奶 ─ 唔好以為後生仔先對香港有興趣，其實老人家都好想來香港的呀，你睇雪人老爺鬚都白晒，都要來湊下熱鬧，佢太太當然跟住來照顧佢，真係恩愛。

5. 工程師雪人先生 ─  咁多雪人同佢地的朋友來了香港，有乜意外，香港真係冇邊個識得救佢地，所以工程師先生就請膺自己來幫佢地，佢話如果香港雪地唔夠，佢會剷雪，不過同北極唔同，香港要剷D雪比佢地行wor。

6. 瘦身雪人家族 ─ 估唔到雪人都興瘦身，見佢地高佻的身形又真係好吸引，唔知會唔會乘機做下瘦身廣告代言人呢？

7. 肥仔雪人 ─ 唔好以為雪人都係瘦身的，原來也有肥肥白白的雪人，你睇佢件衫拆左線補返就知佢今年的身形又加左幾個碼，真係家肥屋潤，又幾好意頭。

8. 快樂寶盒雪人 ─ 佢地三個真係攪笑，每人一個盒，聽講話係快樂寶盒，對住個盒，就算空的，都會好快樂。

9. 雪橇雪人家族2號 ─ 原來佢地自己有私家車，唔怪之得趕到來。

10. 快樂三人組 ─ 佢地又唱歌又跳舞，都仲趕到來，真係叻叻叻

11. 掌上明珠聖誕老人版1號及2號 ─ 原來唔單止冇掌上明珠雪人，仲有聖誕老人，我地香港有咁多小朋友，佢地真係要生多D掌上明珠聖誕老人版先可以應付得來呢。

12. 快高長大雪人 ─ 依個小朋友認真勁，我點影都影唔晒佢，惟有委屈下佢，佢話要同一個快高長大的小朋友一齊先會開心，但係我家都冇小朋友，真係煩。