人算不如天算

真係人算不如天算，住在荒野之地，除了要有架車出入之外，仲要考慮大風大雨時出入安全的問題，所以，平日為左環保﹝其實冇$比油公司先真﹞，只會用架細車仔，佢車仔細細，連個轆都比人地細，所以如果唔加速、唔開冷氣等，都可以支付得起油費；另外有架四驅車，全時四驅、加高大轆、車身又重又大，平日真係唔敢開，怕未返到屋企已經冇晒成副身家，因為而家計，5元行一公里。不過點都要keep 住佢，真係大雨成災時，有佢點都安心D。

下面張相就係佢未加高前影：

早日風神大發神威，村口有棵樹向佢折腰：

成村車除左我同另一架四驅車外，都出入無阻，我地架車仔當然亦不例外，所以雖然有多少不便，不過一直無人理。

終於因為有特別事，兩個人要開兩架車，即係要開架四驅車，真係人算不如天算，以為有架四驅車可以出入無阻，點知人人D車都可以過，獨獨係我過唔到。

惟有死死地氣冒住紅雨加雷暴帶齊架生一個人清理佢：

趕時間，都冇得拖，十零分鐘攪掂佢。

以為終於可以趕去赴會，點知又一次人算不如天算，因為較早時紅雨警告，個約會取消，開通左條路但自己又唔使用，結果，我估係益左村中另一架比一般私家車高一點的四驅車，因為大樹封路後佢一直無出車﹝估佢都係過唔到的﹞，但果日開通左條路，夜晚就唔見左佢架車，真係人算不如天算。