打風無聊睇狗食飯

今日打風，不過狗狗都要食早飯，只是推遲一個小時先食，等我可以瞓多幾十分鐘。

首先，當然係擺開飯碗，大家留意下仔仔同豬豬一起已經坐定定等派飯，泡泡稍稍猶疑，然後埋位坐好等，都算乖女女。

之後開始派飯，泡泡個屁股一直都貼住個地下，都知規矩，所以值得分多D比佢食。

派完飯當然開餐，泡泡一馬當先就食，未及得仔仔同豬豬咁知道要拍下個頭先開始食，不過都等左咁耐，放佢一馬。由於豬豬分得最少飯，所以佢最快食完。

好快全部都食完，相安無事，泡泡早飯時間表現及格，算得上有規有矩。大家食完自己果份，都去睇下其他狗狗有冇著數，都傻，點會有得剩；惟有明日請早。