第一，係開架大車去，咁豬豬同仔仔就可以坐得舒舒服服
﹝停車塲上遠處幾架大車中最細果架就係，所謂最大，原來同大車比好細架。﹞
第二，個營地好『大』，個牌仲大，不過真係可以搭營的地方就大到只可以容得下兩個營。
﹝原本諗住個營地細細地我地用左會冇人來，可以清清靜靜，點知七時未夠有班老人家來BBQ，諗住避開一陣，出去行個圈，點知返來時來了一班中學旅行的學生，香港真係冇靜土。﹞
第三，用個好大的營，仔仔豬豬同ocoy都可以相安無事，勉強可以企身換褲。
﹝雖然話好大個營，但比起最近用開的兩個營──一個在加拿大借契爺的六角營及另一個只係用左一次就捐左去四川地震的中國出口到美國轉返香港再返去中國的大營，今次這個營對兩人兩狗來說只是中型而已。﹞
第四，有個好大的shelter
﹝個shelter有10呎濶20呎長，用來霸位唔好比人在自己個營周圍起營真係一流，不過，好重，應該唔會有人帶去行營。﹞
第五，有張好大的床
﹝如果多一張就好了，雖然重，但方便，開床不用15秒。﹞
第六，見到好大個天
﹝上到香港最高的山當然可以見到好大個天，不過都要天氣好先有好感覺。﹞
第七，有好大塊草地
﹝如果遊人唔多，狗狗可以開心的跑，這片草地跟Erindale Park的草地分別不大，惟一不同是這些草地沒有保養，沒有草地應有的感覺。﹞
第八，有好多大頭照
﹝地方夠大當然換支135mm影大頭，不過好大風，大頭相見到仔仔吹到耳仔都飛起。﹞
第九，大左人地間學校
﹝班細路又粗口又淫，食煙唔使本，隨地放垃圾，隨隊女老師唔覺有問題，惟有起左佢地個底再在其他老師巡場時大佢問佢是否xxxx中學老師，你D學生隨地放垃圾，唔想佢地走左D人以為我地留底，仲有好多煙頭，我地唔食煙嫁；結果死死地氣，個隨隊女miss自己清晒個場。﹞
第十，飲大左
﹝有朋自遠方來，當然要對酒當歌，唔好以為係飲水，係支高級名酒泥呀。﹞
真羨慕 我現在真係冇咁自由
回覆刪除[版主回覆12/05/2008 05:49:00]我地都係成個家庭去﹝除左貓貓﹞，你地都可以呀。
以為你去左外國未返黎添？
回覆刪除[版主回覆12/05/2008 05:50:00]大帽山都唔錯，只不過草地冇保養，全部草地都變成泥地。
回覆刪除好大呀~~
[版主回覆12/05/2008 05:52:00]係呀，個shelter足足冇20呎乘10呎，可惜當日只買到一張床，如果唔係，有兩張床放入個shelter就可以連營都唔使入去，因為兩日都好好天氣，唔熱冇蚊，不過有風。
扶輪營地?
回覆刪除[版主回覆12/05/2008 06:01:00]扶輪營地在香港大帽山山頂，係一個只有兩個營位的營地，車唔可以入到營地，但離停車場只有100米左右，營地風景欠奉，但因為在大帽山郊野公園內，只要走出營地上山，就可以看到九龍新界大嶼山等等，是一個風光不錯的地方。 如：下望錦田石崗一帶 如荃灣 我們想帶狗狗及那些不能背在肩上的營具去露營，所以選了這個地方
果塊大草地都幾吸引呀。
回覆刪除高原跑草地，唔知有冇高山反應呢？
[版主回覆12/05/2008 12:20:00]都未有一千公尺，要三千尺以上先有？
平日去無乜人就可以開SHELTER ~
回覆刪除叫我去探班嘛
[版主回覆12/05/2008 12:21:00]果度得兩個位，開唔開shelter都問題不大。 你平日唔使返工？
嘩，吾錯呀，平時見妳Ｄ裝束，估到妳都係outdoor 果類人 我以前都成日去露營，東龍島，荔枝莊，半月灣，西灣...仲有好多....東龍島，荔枝莊，西灣我比較鐘意，不過就太多人了，由其是東龍島，一大清早，就有Ｄ公公婆婆還島遊，鬼殺咁嘈，經過Ｄ營就好好奇咁研究一番！ 妳個shelter好大好勁呀，相信一定好重。我最多搭個營，拉個天幕就算！
回覆刪除[版主回覆12/05/2008 12:22:00]近來都只係帶狗去多，西灣風景好，但在沙上露營有多少煩。
放工嚟
回覆刪除[版主回覆12/05/2008 13:30:00]但係你住香港島.... OK，下次通知你，不過今次仔仔豬豬試左新衫.... thanks
新衫有無fleece? 豬豬好似鬆咗啲
回覆刪除[版主回覆12/07/2008 07:27:00]有fleece，但係背心設計，保溫能力較低，對狗來說又OK，豬豬會努力加肥
好靚呀!
回覆刪除[版主回覆12/07/2008 07:29:00]影百幾二百張相一次，都應該有一兩張可以見下人；不過豬豬個post次次一樣，今次依張同上次某地另一張絕對一樣，其實唔使影咁多。
竟然連隨隊老師都唔覺得有問題，真係想知而家D學校究竟係教D乜野，連最基本既禮義廉恥都冇。最後仲要個隨隊Miss自己清場，睇黎個Miss都應該管唔掂班學生，間學校好極有限。 有朋自遠方來 <---- 呀朋友 塊 面好紅下喎。
回覆刪除[版主回覆12/07/2008 07:36:00]學校分三級，津貼/直資唔肯收的學生，政府學校一定要收，所以政府學校多數在第三級內，連老牌名校都無一幸免；果間係一間官校，仲要是名校林立的地區中的官校，我估一定係第三級；學生水準第三級之餘，好多時品行都一樣，老師就算有心都未必有力，更何況年輕老師都不是公務員，合約制，三年或逐年簽，教書只係當謀生的一種工作，我諗心態係控制住學生唔出大事就算，出小事就自己攪掂，出大事就唔教書。 朋友塊面不知是否一向都咁紅。
飲大咗 , 我都好想嚟探你哋呀嗰晚 , 不過 波奴才 話我 " 你都傻傻哋0架 " , 唔係飲大咗嗰個應該係我囉 ~~~
回覆刪除[版主回覆12/07/2008 07:37:00]咁，好彩你冇黎 不過就算真係大左，我地都有shelter有床。
我想問下...我部腦本身已經下載左photocap4.0,入面仲有好多之前download左既公仔同圖案,如果我依家再download4.2,會唔會將之前既saved files冇晒??同埋係咪一定要4.2至整到你月曆架??
回覆刪除[版主回覆12/07/2008 07:38:00]第一：upgrade應該唔會delete左舊file，可以放心。 第二：4.2其實同4我都唔知有乜分別，4都可以做月曆。
回覆刪除嘩, 好大呀,好用嗎!
[版主回覆12/07/2008 07:40:00]好用，可以霸位可以防太陽可以在內煮食，不過要有車同去車到的camp site，即係car camping先好，因為超重。
咁近做嘜唔call我上去飲杯高級名酒呀?
回覆刪除成日話你2個仔女癲癲地,原來唔止....係你一家都癲架!天寒地凍去camp....真係癲架!洗嘜霸營地吖,有鬼人同你地爭咩?咁凍
[版主回覆12/07/2008 22:42:00]
對我地係高級名酒，不過對闊太泥講只係粗野，所以我地飲左佢算把la。 我地想佢落雪，點知冇落。如果真係落雪，我估會好墟hum
落雪?你地果然係傻既......如果真係會落雪叫你地去霸位就啱la,有咁大個營重唔包場
回覆刪除麻煩豬仔爸幫我搵相唔該哂呀!
[版主回覆12/09/2008 15:55:00]香港未落過雪，但隨著大家不斷污染環境，距離依日可能唔遠，到時我幫你霸位
我到家下都仲未好返, 所以嗰日嚟唔到同你哋食..........西北風 !
回覆刪除